TANZANIA INASAIDIA WAKULIMA KUPAMBANA NA MADILIKO YA TABIA NCHI

2/11/2023 Nairobi Tabianchi

Tanzania kupitia wizara yake ya kilimo kwa kushirikiana na Wadau

wengine imekuwa ikitekeleza mbinu mbalimbali za kuhimuli athari za

mabadiliko ya tabia nchi kwa wakulima na wafugaji nchini.

Hayo yameeezwa na Bw. Kamwesige Mujuni Mtembei ambaye ni Afisa

mwandamizi kutoka Wizara ya Kilimo nchini Tanzania wakati akizungumza

kwenye mjadala uliohusu juhudi mbalimbali zinazofanywa na Serikali

katika kusaidia jamii kukabiliana na athari za hizo kwenye mkutano wa

teknolojia za kilimo barani Afrika unaoendelea Jijini Nairobi Nchini Kenya

na kukutanisha mamia ya Wadau wa kilimo Afrika na duniani.

“Tanzania ni kati ya nchi zilizoathiriwa sana na mabadiliko ya tabia nchi

kama vile Ukame,Mafuriko katika baadhi ya maeneo na kupanda kwa

viwango vya joto hivyo Wizara kupitia mikakati na miongozo ya kilimo

himilivu inawaelimisha wakulima namna ya kuboresha kilimo na ufugaji

kwa ili kupata tija” alieleza Bw. Mtembei.

Aliongeza “ Kwa kutambua kuwa vijana na wakina Mama ni waathirika

zaidi wa tatizo hili Serikali inaendesha program ya Jenga Kesho Bora (BBT)

ambayo inalenga kuimarisha upatikanaji wa mashamba yenye

miundombinu ya umwagiliaji na upatikanaji wa mitaji na masoko kwa

wakina Mama na vijana”.

Ameongeza kuwa Wizara inaendelea kuboresha miundombinu ya

umwagiliaji kuhamasisha utafiti na uzalishaji wa mbegu bora sambamba na

kuongeza bajeti ya utafiti wa mbinu na teknolojia mbalimbali za kilimo

himilivu cha mabadiliko ya tabia nchi.

Afisa huyo mwandamizi wa Kilimo amesema Wizara inaendesha miradi ya

kutoa pembejeo za ruzuku ili kuwezesha wakulima kumudu matumzi ya

pembejeo katika kuongeza tija.

Mkutano huo umeandaliwa kwa ushirikiano kati ya Serikali ya Kenya

kupitia Wizara yake ya Kilimo na maendeleo ya Ufugaji na Taasisi ya

Teknolojia za Kilimo Afrika AATF na unawakutanisha wadau wa kilimo

kutoka afrika na pande zote za Dunia.

Bw. Kamwesige Mujuni Mtembei ambaye ni Afisa mwandamizi kutoka Wizara ya Kilimo nchini Tanzania wakati akizungumza kwenye Mkutano wa ACAT.Mchokoza mada wa mjadala huo ambaye ni Makamu Mkurugenzi wa misheni wa USAID nchini Kenya Bi.Sheila Roquitte akichokoza mada.

Wadau wa Kilimo kwenye mkutano huo wakifuatilia na kuchangia mjadala wa mabadiliko ya tabia nchi barani Afrika.

wadau wa mkutano huo wakifuatilia mjadala huo.